1995 yil 7 noyabrda tashkil etilgan «Asaka» davlat-aksiyadorlik tijorat banki hozirgi kunda O’zbekistonda eng yirik va jozibadar banklardan biri hisoblananib, mamlakat moliya bozorida o’zining munosib o’rniga ega.

So’nggi yillarda ichki va tashqi moliya bozorida bank o’z faoliyat ko’lamini sezilarli darajada kengaytirdi. Hozirgi kunda bank mijozlarga barcha turdagi bank mahsulotlari va hizmatlarini taklif etgan holda respublikamizning etakchi tarmoqlari bo’lmish farmasevtika, engil, oziq-ovqat va avtomobil sanoati, qurilish, transport, telekommunikatsiya, neft-gaz va boshqa tarmoqlarga mablag’larni investitsiya qilmoqda.

Shu bilan birgalikda, «Asaka» bank faoliyatiga va uning rivojlanishiga O’zbekiston Respublikasi Prezidenti va Hukumati tomonidan katta e’tibor qaratilmoqda. Jumladan, O’zbekiston Respublikasi Prezidentining 2008 yil 13 noyabrdagi «Asaka» davlat-aksiyadorlik tijorat bankining investitsiyaviy faolligini yanada oshirish chora-tadbirlari to’g’risida"gi Qarori bankning kapitallashuv darajasini yanada oshirish hamda sanoatning etakchi tarmoqlarida ishlab chiqarishni modernizatsiya qilish, teхnik va teхnologik yangilash, iqtisodiyotni tarkibiy qayta tashkil etish hamda eksport salohiyatini yuksaltirish bo’yicha dasturlarni amalga oshirishda faol qatnashishi uchun uning investisiyaviy imkoniyatlarini yanada kengaytirishga katta turtki berdi.

Bank o’z imkoniyatlaridan keng foydalangan holda bank hizmatlari bozori va moliya bozorining barcha segmentlaridagi ishlarini yanada faollashtirdi, kredit va lizing amaliyotlarini, qimmatbaho qog’ozlar va moliyaviy aktivlar bo’yicha amaliyotlarni, aholi omonatlari bo’yicha ishlarni hamda vositachilik faoliyatini hajmi va masshtabini yanada kengaytirmoqda va faollashtirmoqda.

Bank mashinasozlik va boshqa tarmoqlarni teхnik va teхnologik jihatdan qayta jihozlash, mahsulot ishlab chiqarishni mahalliylashtirish darajasini yanada oshirish bo’yicha loyihalarni moliyalashtirish sohasida faol investitsiya siyosatini olib bormoqda, mazkur loyihalarni moliyalashtirish maqsadida Commerzbank AG, Landes Bank Berlin AG, Raiffeisen Zentral Bank AG, Banco Santander, UBS AG, Credit Suisse kabi хorijiy banklarning kredit liniyalarini jalb qilmoqda.

Shu bilan birgalikda, bank tomonidan eksport-import amaliyotlarini amalga oshirishda, ya’ni savdoni moliyalashtirish sohasida JP Morgan Chase, Korea Exim Bank, Commerzbank AG, Raiffeisen Zentral Bank AG, Dresdner Bank AG, CITI Bank, UBS AG, SMBC kabi xorijiy yirik banklarning qisqa muddatli kredit liniyalari jalb etilmoqda.

Lizing amaliyotlari keng joriy etilmoqda. «Asaka» bank tomonidan Islom Taraqqiyot bankining kredit liniyasi mablag’lari hisobidan lizing loyihalari faol moliyalashtirilmoqda.