Yangiliklar

Yuklab olish

Аsaka bank xodimlaridan birida koronavirus aniqlanishi bilan bog'liq xabarlar yuzasidan rasmiy munosabat

 

Ijtimoiy tarmoqlarda “Asaka” bank bosh ofisida ishlovchi xodimlarning birida koronavirus aniqlanganiga qaramay, hech bir xodim karantinga olinmagani haqida tarqatilayotgan xabarlarga nisbatan Bank Ahborot xizmati quyidagicha izoh beradi.
“Asaka” bank pandemiya e'lon qilingan kundan boshlab, Maxsus komissiyaning qarorlari, karantin qoidalariga qat'iy rioya qilmoqda. Bank rahbariyati tomonidan xodimlarning ihtiyoriy ishlashi tizimli tashkil etilgan bo‘lib, xodimlarning o‘z istaklariga qarab, 20 foizidan ziyodi masofadan turib ishlashga, 12 foizi navbatdagi yoki navbatdan tashqari mehnat ta'tillarida va 30 foizga yaqini ish xaqi saqlanmagan holda ta'tillarga chiqarilgan. Mijozlar uchun onlayn xizmat ko‘rsatish kuchaytirildi. Bosh ofis va bankimiz  filiallariga kelish uchun zarur ehtiyoji tug‘ilgan mijozlarga himoya kiyimlari kiygan holda va masofani saqlagan holda xizmat ko‘rsatilmoqda. Bosh ofis va filiallarimiz binolariga kiraverishda maxsus dezinfeksiya toneli o‘rnatilgan. Binoga kirishdan avval xodimlar va mijozlarning harorati o‘lchanadi. Shuningdek, kun davomida tibbiyot xodimlari ularning sog‘lig‘idan xabardor bo‘lib, tana haroratini tekshiryapti. Xodimlarga tibbiyot niqoblari, qo‘lqoplarmuntazam yetkazib berilmoqda. Bank binosining ichki va tashqi xududlari muntazam ravishda (xaftada uch marta), dezinfeksiya qilinadi. 
Bank zarur tadbirlarni, yig‘ilishlarni faqat onlayn o‘tkazmoqda. Xususan, 26 iyunga belgilangan aksiyadorlar yig‘ilishi ham masofadan turib, onlayn tarzda tashkil etildi. 
Ma'lumki, joriy yilning 24 iyun' kuni “Asaka” bankining navbatchi haydovchisida koronavirus infeksiyasi borligi aniqlangan. COVID-19ga  topshirgan xodimning tahlili ijobiy chiqqani haqida Bankka xabar yetkazilishi bilanoq, Bankda ehtiyot choralari kuchaytirilgan. Birinchi navbatda sanitariya va epidemiologik stansiyaga xabar berilib, ular tomonidan xodim ishlagan joy karantinga yopilgan va darhol dezinfeksiya qilingan, hamda xodimlarning barchasi koronavirus bor-yo‘qligini aniqlovchi testdan o‘tkazilishi tashkillashtirildi. 
Hozirda virus aniqlangan xodim shifokorlar nazoratida, u bilan yaqin aloqada bo‘lganlar karantinga olindi.
Yana bir bor eslatib o‘tamiz, “Asaka” Bank rahbariyati tomonidan pandemiya munosabati bilan Bankning barcha xodimlariga masofadan turib ishlashga, navbatdagi yoki navbatdan tashqari mehnat ta'tillariga, hamda ish haqi saqlanmagan holda ta'tilga chiqish buyicha barcha sharoitlar yaratilgan! 
    “Asaka” bank karantin qoidalariga qat'iy rioya qilmoqda!